Ким жажжи билимдонларга тенг кела олади?! Ментал арифметика олимпиадасининг натижалари

Яқиндагина 4 ёшдан 16 ёшгача бўлган болаларнинг қобилятини ривожлантириш мақсадида «Лаборатория Гениев» ментал арифметика маркази ташкил топган эди. Ҳайратланарлиси шундаки, ҳеч қанча вақт ўтмасдан марказда таълим олаётган болалар жуда катта муваффақиятларга эришди.

Хусусан икки ўқувчимиз: 12 ёшли Аъзамхўжаев Санжар ва 8 ёшли Хатамов Жавоҳир биринчи бор Ўзбекистон вакили сифатида декабрь ойида Қирғизистонда бўлиб ўтган Халқаро ментал арифметика мусобақасида қатнашди. Ушбу олимпиададан кейин «Лаборатория Гениев» ҳам болаларнинг билимини холис баҳолаш ва уларни рағбатлантириш мақсадида олимпиада ўтказишга қарор қилди.

Бир неча ойлик ҳаракатлар ва тайёргарликлардан кейин узоқ кутилган олимпиада 26 февраль куни бўлиб ўтди. Олимпиаданинг якунловчи босқичида «Лаборатория Гениев» марказининг учта филиалидан саралаш босқичи ва ярим финалдан ўтган 65 нафар ўқувчи қатнашди.

Иштирокчиларнинг барчаси «Лаборатория Гениев»нинг махсус футболкасида иштирок этиб, олимпиада жараёнига ўзгача файз қўшди. Иштирокчилар 7 та кубок ва 7 та олтин медаль, 7 та кумуш, 7 та бронза медаллари учун ўзаро мусобақалашди.

Олимпиаданинг холислигини таъминлаш мақсадида ментал арифметикадан хабардор бўлмаган бошқа соҳа мутахассисларидан назоратчилар ва ҳайъат аъзолари таклиф этилди. Шунингдек, олимпиданинг бош хомийси бўлган NEXT STEP UP SCHOOL – инглиз тили мактабида таълим олаётган ўқувчилар кўнгиллилар сифатида иштирок этди.

Ота-оналар олимпиада жараёнини кузатиб бориши учун видеотрансляция ташкил этилди. Ҳар битта босқичдан сўнг ота-оналар ва бошқа меҳмонлар учун мусиқий дастур ташкил этилганлиги боис, олимпиада маданий тадбирларга бой бўлди.

1-ўрин совриндорлари кубок, олтин медаль ва 1-даражали диплом билан; 2-ўрин совриндорлари кумуш медаль ва 2-даражали диплом; 3-ўрин совриндорлари бронза медаль, 3-даражали диплом ва «Лаборатория Гениев»дан махсус совғалар билан тақдирланди.

Ғолибликка номзод ҳар бир ўқувчи биринчи ўринга лойиқлиги ва биз учун уларнинг ҳар бири ғолиблиги боис, барча иштирокчилар фахрий ёрлиқ ва махсус совғалар билан тақдирланди.

Ментал арифметиканинг қийин босқичи бўйича кубокларни Атаева Наргизанинг ўқувчиси – Аъзамхўжаев Санжар, Меҳриддинова Севаранинг ўқувчиси – Хатамов Жавоҳир қўлга киритди ва бу билан Халқаро олимпиадада муносиб иштирок этганликларини яна бир бор исботлашди.

Ғолибларнинг махсус ғолиблик поғоналарига фахр билан кўтарилаётганида ота-оналарнинг, ўқитувчиларнинг хурсандчилик кўз ёшларини кузатиш мумкин эди.

Олимпиада ҳар бир иштирокчи учун эсда қоларли даражада кўтаринки кайфиятда ўтди. Ғолиблар учун ҳам, қолган иштирокчилар учун ҳам бўлиб ўтган олимпиада келгуси ғалабалар учун дастлабки қадам бўлди десак, муболаға бўлмайди.

Агар сизнинг фарзандингиз ҳам ана шундай натижаларга эришишини ва ёзги таътилни самарали ўтказишини истасангиз, «Лаборатория Гениев» ментал арифметика марказининг малакали ходимлари сизга ёрдам беришга тайёр.

Мурожаат учун телефон: +99897 7405505, +99897 7438808

Facebook’даги саҳифа: «Лаборатория Гениев» – Ментал арифметика маркази

Реклама ҳуқуқи асосида