Сирдарё вилояти ҳокими Ғофуржон Мирзаев Гулистон шаҳрида фан, таълим, маданият, санъат, спорт ҳамда оммавий ахборот воситалари вакиллари билан очиқ мулоқот ўтказди. Бу ҳақда ЎзА хабар бермоқда.
Вилоят ҳокими ижтимоий соҳа вакиллари бугунги кун талаби даражасида иш олиб бормаётгани, жумладан, умумтаълим мактабларида таълим сифати кўнгилдагидек эмаслиги, академик лицей ва касб-ҳунар коллежларида давомат пастлиги, маданият, санъат, спорт ва бошқа соҳаларда ҳам қатор камчиликлар мавжудлигини қайд этди.
Очиқ мулоқотда соҳа вакиллари ечимини кутаётган муаммолар хусусида фикр билдирди, уларни бартараф этиш бўйича ўз таклифларини илгари сурди. Хусусан, шўр босган канал ва дарё бўйларига ширинмия экилиб, маҳсулотни қайта ишлаш йўлга қўйилса, юзлаб янги иш ўринлари яратилиши, жаҳон бозорида харидоргир бу маҳсулот экспортидан катта фойда олиш мумкинлиги айтилди.
Шунингдек, ўқув муассасаларида таълим сифатини ошириш борасида аниқ таклифлар билдирилди. Босма нашрлар моддий-техник базасини мустаҳкамлаш, нашрлар обунасини ошириш, ёш ижодкорлар асарларини чоп этиш, маданият, санъат вакиллари, спортчиларни моддий қўллаб-қувватлаш борасида ҳам сўз юритилди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)