Женевада БМТ кўмаги остида Сурия бўйича музокаралар расман бошланди, деб ёзади «Газета.ru».
Таъкидланишича, Сурия ҳукумати ва Сурия мухолифати музокараларнинг очилиш маросими доирасида бир даврада юзма-юз келган.
Reuters маълумотларига кўра, бу уч йилдан буён биринчи марта содир бўлди.
Саломлашиш маросимида БМТнинг Сурия бўйича махсус элчиси Стаффан де Мистура нутқ сўзлади. У музокараларда кузатилган прогрессни қайд этди, унга хусусан, Остонадаги учрашувлар натижасида эришилганини айтди.
Шунга қарамай, Мистура Суриядаги низони тинч йўл билан узил-кесил ҳал қилиш учун ҳали кўп ишларни бажариш кераклигини таъкидлади.
Изоҳ (0)