Ҳиндистонлик эркак 45 секундда 124 та кокос ёнғоғини чақди

Ҳиндистонлик 25 ёшли механик Абиш Доминик 45 секундда 124 та кокос ёнғоғини синдириб, янги жаҳон рекордини ўрнатди. Бу ҳақда TJournal хабар берди.

Рекордчи ҳаммаси бўлиб 145 та кокосга зарба берди, бироқ фақат чақилган ёнғоқлар ҳисобга олинди. Бундан аввалги рекордни Германиялик киши бир дақиқада 118 та кокосни чақиб, ўрнатган эди.

Daily Mail нашрининг қайд этишича, Доминик қўли билан хоккей таёғи ва шлемини синдириш қобилияти туфайли аллақачон уч марта Гиннеснинг рекордлар китобига кирган.

Шунингдек, у тиши билан мактаб автобуси маҳкамланган арқонни тутиб турган. Эркак жараён акс этган видеолавҳани Гиннеснинг рекордлар китоби раҳбариятига жўнатди ва китоб саҳифасидан тўртинчи марта жой олишга умид қилмоқда.

«Дарё»нинг Telegram’даги расмий канали — @toshqindaryo’га аъзо бўлинг!