Ўзбекистон клублари Чемпионлар лигасини энг паст кўрсаткич билан бошлади

Осиё Чемпионлар лигасида Ўзбекистон шарафини ҳимоя қилаётган «Локомотив» ва «Бунёдкор» клублари 1-турда нафақат ғолиб чиқа олмади, балки рақиблар дарвозасига гол ҳам урмади. Бу эса ғарб минтақаси мамлакатлари орасида энг паст кўрсаткич, деб маълумот берди «Championat.asia».

Қатарда ҳам жамоалар сони 2 тани ташкил қилади. Бироқ кўрсаткич ҳозирча юз фоиз.

Саудиянинг тўрт клуби жами 7 очко жамғаришга муваффақ бўлган, форсларда эса бу кўрсаткич 5 тани ташкил қилди.

Ғарб минтақаси

Саудия Арабистони — «Ат-Таавун» (ғалаба), «Ал-Аҳли» (ғалаба), «Ал-Ҳилол» (дуранг), «Ал-Фотиҳ» (мағлубият) — 7 очко

Қатар — «Лаҳвия» (ғалаба), «Ар-Райян» (ғалаба) — 6 очко

Эрон — «Истиқлол Хузистон» (ғалаба), «Персеполис» (дуранг), «Зоб Аҳан» (дуранг), «Истиқлол Теҳрон» (мағлубият) — 5 очко

БАА — «Ал-Аҳли» (ғалаба), «Ал-Айн» (дуранг), «Ал-Жазира» (мағлубият), «Ал-Ваҳда» (мағлубият) — 4 очко

Ўзбекистон — «Локомотив» (Ўзбекистон), «Бунёдкор» (Ўзбекистон) — 0 очко.

Шарқ минтақасида фақатгина Япония ва Хитой клублари ғалаба қозонишнинг уддасидан чиқа олди. Чин ўлкаси вакиллари дарвозасига гол уриш ҳозирча ҳеч кимнинг қўлидан келмади.

Шарқ минтақаси

Япония — «Кашима Антлерс» (ғалаба), «Урава Ред» (ғалаба), «Гамба Осака» (ғалаба), «Кавасаки Фронтале» (дуранг) — 10 очко

Хитой — «Шанхай СИПГ» (ғалаба), «Гуанчжоу Эвергранд» (ғалаба), «Жиангсу Сунин» (ғалаба) — 9 очко

Австралия — «Брисбен Роар» (дуранг), «Вестерн Сидней» (мағлубият), «Аделаида Юнайтед» (мағлубият) — 1 очко

Таиланд — «Муангтонг Юнайтед» (дуранг) — 1 очко

Жанубий Корея — «Улсан Хюндай» (мағлубият), «Сеул» (мағлубият), «Сувон Самсунг» (дуранг), «Жежу Юнайтед» (мағлубият) — 1 очко

Гонгконг — «Истерн» (мағлубият) — 0 очко.