Тошкентда 22 февраль куни Ўзбекистон Савдо-саноат палатаси, Business Sweden Швеция савдо ва инвестициялар кенгаши ҳамкорлигида Ўзбекистон—Швеция бизнес форуми бўлиб ўтди. Бу ҳақда ЎзА хабар бермоқда.
Унда икки мамлакатнинг геология ва минерал ресурслар, иқтисодиёт, машинасозлик, энергетика каби соҳалари учун масъул вазирлик ва идоралари, компания ва концернлари раҳбарлари иштирок этди.
Форумда Ўзбекистоннинг геология ва минерал ресурслар, транспорт инфратузилмаси, савдо-саноат, энергетика соҳаларидаги муваффақиятлари, Швециянинг ахборот технологиялари, тоғ-кон, электр-энергетика, қурилиш каби соҳалардаги компаниялари фаолияти ҳақида маълумот берилди.
Форумда мамлакатимизнинг 15 етакчи компанияси иштирок этмоқда. Мазкур учрашувдан кўзланган мақсад савдо-иқтисодий ҳамкорликни ривожлантиришдан иборат. Мамлакатингизнинг тоғ-кон саноати, темир йўллар каби соҳаларининг йирик корхона ва компанияларининг фаолияти билан яқиндан танишишни режалаштирганмиз.Анжуманда Ўзбекистон билан Швеция ўртасида савдо-иқтисодий ҳамкорликни ривожлантириш истиқболлари юзасидан фикр алмашилди.Ингрид Терсман, Швециянинг Ўзбекистондаги элчиси
Хусусан, автомобилсозлик, энергетика ва энергия тежаш, электр техникаси, озиқ-овқат саноати соҳаларидаги сармоявий лойиҳаларни биргаликда амалга ошириш, ички ва ташқи бозорларда талабгор бўлган маҳсулотларни ишлаб чиқарувчи қўшма корхоналар ташкил этиш масалалари муҳокама қилинди.
Шу куни Ўзбекистон ва Швеция ишбилармонлари ўртасида кооперация биржаси бўлиб ўтди.
«Дарё»нинг Telegram’даги расмий канали — @toshqindaryo’га аъзо бўлинг!