Исландия президенти Гвюдни Йоуханнессон пиццага ананас қўшилишига қарши чиқди, деб ёзади Meduza.
Устига-устак, Исландия етакчиси сўзларига кўра, агар унда шундай ваколат бўлганида, у ананасли пицца пиширишни бутунлай тақиқлаб қўйган бўларди. Бундай фикрни президент мактаб ўқувчилари билан учрашувда баён қилди, улардан бири Йоуханнессоннинг Гавайи пиццасига муносабати билан қизиққан эди.
Шундан сўнг Исландия матбуоти президентнинг ананасга бўлган нафратли қараши унинг рейтингига қандай таъсир ўтказиши ҳақидаги саволни кўтарди. Айни пайтда унинг фаолиятидан исландияликларнинг 97 фоизи мамнун.
Исландия парламенти депутати Смари Маккарти ўз мамлакати президентининг фикрига қўшилишини айтди. «Пиццага ананас қўшиш — бемаънилик», — деди у. Аммо Исландия ҳақидаги эски инглизча журналлардан бирида ананас мамлакатда пицца учун энг оммабоп топпинг эканлиги айтилади.
Нашр таъкидлашича, интернетда пиццага ананас қўшиш борасида кўп йиллардан буён баҳслар олиб борилади.
Изоҳ (0)