Тошкентнинг «Бунёдкор» клуби Осиё Чемпионлар лигасининг гуруҳ босқичини муваффақиятсиз бошлади. Саудияда мамлакат чемпиони «Ал-Аҳли»га қарши саф тортган Сергей Лушчан жамоаси 0:2 ҳисобида имкониятни бой берди.
Беллашувдаги ҳар икки гол «Бунёдкор» ҳимоячиларининг хатосидан сўнг киритилди. Биринчисида Акром Комилов, иккинчисида Рустам Ашурматов тўпни рақибига олдириб қўйди. «Ал-Жаиш»га қарши ўйинда Сардор Рашидовни «еб қўйган» Дилшод Аҳмадалиев эса бу сафар бир марта огоҳлантирилди.
Мавзуга оид: Ўзбекистон чемпиони «Локомотив» Осиё Чемпионлар лигаси гуруҳ босқичини мағлубият билан бошлади
Маълумот учун, «Ал-Аҳли» янги йил арафасида Испания чемпиони «Барселона» билан ўртоқлик ўйинида майдонга тушиб, рақиби дарвозасига 3 та гол уришга муваффақ бўлганди.
«C» гуруҳидаги иккинчи ўйинда Амирлик ва Эрон клублари ўзаро дуранг ўйнади. «Ал-Айн» Чемпионлар лигасининг ўтган йилги мавсумида финалга қадар етиб борганди.
Осиё Чемпионлар лигаси «C» гуруҳи. 1-тур 21 февраль, сешанба
«Ал-Аҳли» (Саудия) — «Бунёдкор» (Ўзбекистон) 2:0
Голлар: Умар Ас-Сомаҳ, 13 (1:0). Салмон Ал-Моашер, 53 (2:0).«Бунёдкор»: Мурод Зуҳуров — Дилшод Аҳмадалиев, Рустам Ашурматов, Акром Комилов, Душан Мичич, Жавлон Иброҳимов, Отабек Шукуров (Алишер Саноев, 61), Элдор Шомуродов, Достон Ҳамдамов, Нурилло Тўхтасинов (Жавоҳир Эсонқулов, 71), Шаҳзод Нурматов (Вадим Чемиртан, 56).
Изоҳ (0)