Ўзбекистондаги қатор олий ўқув юртлари немис тили ўқитувчилари учун Австриянинг Вена давлат университети профессори Карен Шрамм ва доцент Аннемария Притхард-Смит иштирокида «Замонавий дарсликларни яратиш тамойиллари» мавзусида семинар ўтказилди, деб хабар бермоқда ЎзА.
Биринчи курс талабалари учун немис тили дарслигини яратишга бағишланган учрашувда дарсликларни ишлаб чиқишда бадиий адабиётлар ва фильмлардан самарали фойдаланиш, умумевропа чет тилларини ўзлаштириш талабларига мос тил кўникмасини шакллантириш масалалари муҳокама қилинди.
Ўзбекистон ва Австрия ўртасида илм-фан ва таълим-тарбия соҳаларида ҳамкорлик алоқалари тобора ривожланмоқда. Томонлар янги авлод дарслигини ишлаб чиқишга оид қўшма лойиҳада фаол иштирок этмоқда. Бу ўқитувчилар малакасини оширишга хизмат қилади.Халқаро ҳамкорлик самарасида биринчи курс талабалари учун немис тили бўйича ўқув-услубий қўлланма яратилади.Карен Шрамм, профессор
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)