Қозоғистонда қор кўчкиси остида қолган ҳарбий хизматчиларнинг оилаларига 22 минг доллардан компенсация пули тўланади. Бу ҳақда «Газета.ru» хабар бермоқда.
«Ҳар бир оилага беш йиллик пул таъминоти миқдорида бир марталик компенсация пули тўланади», — деди Қозоғистон мудофаа вазири Сакен Жасузаков.
«РИА Новости» ахборотига кўра, компенсация пулининг миқдори 4 миллион тангадан 7 миллион тангагача (12,6 минг доллардан 22 минг долларгача) етади.
Эслатиб ўтамиз, Қозоғистоннинг Жамбил вилоятида юз берган қор кўчкиси оқибатида етти нафар ҳарбий хизматчи ҳалок бўлган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)