Колумбиялик етти минг исёнчи БМТ назорати остида қуролларни топширмоқда
Колумбия Инқилобий қуролли кучлари гуруҳининг етти мингга яқин исёнчиси БМТ назорати остида қуролсизланиш учун мамлакат ҳудудида ташкил этилган махсус зоналарга етиб келди. Бу ҳақда бутунжаҳон ташкилоти бош котиби расмий вакилининг ўринбосари Фархан Ҳақ журналистларга маълум қилди, деб ёзади «ТАСС».
Колумбия Инқилобий қуролли кучларининг етти мингга яқин аъзоси БМТ миссияси Колумбияда қуролсизлантириш жараёнини назорат қилувчи зонага етиб келди.Унинг сўзларига қараганда, жангарилар ва уларнинг оила аъзолари ушбу ҳудудларга 19 кун давомида етиб келган.Фархан Ҳақ, БМТ бош котиби расмий вакилининг ўринбосари
Миссия расмий сайтидаги маълумотга кўра, Инқилобий қуролли кучларнинг 300 га яқин кишидан иборат охирги гуруҳи 18 февраль куни мамлакатнинг марказий қисмидаги Какета департаментида жойлашган махсус зонага етиб келган. Миссия раҳбари генерал Хавьер Перес Акино буни тарихий ҳодиса деб атади ва исёнчиларнинг ўз хоҳиши билан келиши қуролли тўқнашувлар эҳтимолини сезиларли даражада камайтиришини таъкидлади.
«Дарё»нинг Telegram’даги расмий канали — @toshqindaryo’га аъзо бўлинг!
