Ўзбекистон Давлат геология қўмитаси Давлат геология ва минерал ресурслар қўмитаси негизида ягона геология хизматини ташкил этишни таклиф этмоқда, деб ёзади «Новости Узбекистана».

Давлат геология қўмитаси икки илмий-ишлаб чиқариш маркази — «Навоий КМК» Давлат корхонасининг «Қимматбаҳо металлар ва уран геологияси» илмий-ишлаб чиқариш маркази ва «Олмалиқ КМК» акциядорлик жамиятининг «Рангли металлар геологияси» илмий-ишлаб чиқариш марказини ягона геология хизмати таркибига қайтаришни таклиф қилмоқда.

Ягона интерактив давлат хизматлари порталида муҳокама этилаётган лойиҳани қабул қилиш билан истиқболли конларини ўрганиш учун ягона ёндашувни таъминлаш орқали геология-разведка ишларининг самарадорлигини ошириш, шунингдек, саноат маҳсулотлари ташқи бозорида сифатли ва рақобатбардош ишлаб чиқариш захирасини ташкил этиш учун республика иқтисодиётини узоқ муддатли минерал-хом ашё ресурслари билан таъминлаш мақсадлари кўзланмоқда. «Дарё»нинг Telegram’даги расмий канали — @toshqindaryo’га аъзо бўлинг!