«Ўзбекистон ҳаво йўллари» миллий авиакомпанияси матбуот хизмати 20 февралга белгиланган «Душанбе—Тошкент» рейсининг амалга оширилмагани юзасидан «Кун» нашрига изоҳ берди.

Маълум бўлишича, рейс Тожикистон томони «тегишли расмиятчилик ишларини бажармагани, зарур ҳужжатларни жўнатмагани» учун амалга ошмай қолган. Айни вақтда, Ўзбекистон авиакомпанияси рейс Тошкент томонидан «асоссиз равишда тақиқлаб қўйгани» ҳақидаги хабарларни инкор этган.

«Somon Air раҳбарияти бундай сўзлар тарқалгани учун ‘Ўзбекистон ҳаво йўллариъдан узр сўраган», — дея хабар бермоқда «Кун» нашри «Ўзбекистон ҳаво йўллари» миллий авиакомпанияси матбуот хизматига таяниб.

20 февраль куни «Душанбе—Тошкент» йўналиши бўйлаб биринчи мунтазам авиақатнов амалга оширилиши режалаштирилган эди, бироқ Somon Air бу рейсни бекор қилди.

Аввалроқ, 10 февраль куни Somon Air Тошкентга техник рейсни амалга оширган, бу икки мамлакат ўртасида сўнгги 25 йилда амалга оширилган илк авиақатнов сифатида эътироф этилган эди. «Дарё»нинг Telegram’даги расмий канали — @toshqindaryo’га аъзо бўлинг!