Ўзбекистон Президенти Шавкат Мирзиёевнинг 17 февралдаги «Фанлар академияси фаолияти, илмий-тадқиқот ишларини ташкил этиш, бошқариш ва молиялаштиришни янада такомиллаштириш чора-тадбирлари тўғрисида»ги қарорига мувофиқ, Ўзбекистон Фанлар академиясининг Навоий бўлими ташкил этилади.
Қарорда қайд этилишича, бу ҳақдаги таклиф Фанлар академияси, Навоий кон-металлургия комбинати, Фан ва технологияларни ривожлантиришни мувофиқлаштириш қўмитаси ва Иқтисодиёт вазирлиги томонидан берилган.
Президент академиянинг Навоий бўлимини сақлаш, унинг амалий ва инновацион тадқиқотларини амалга оширишга йўналтирилган харажатларини Навоий кон-металлургия комбинати ҳисобидан қоплаш ҳақида кўрсатма берган.
Айни вақтда, Навоий бўлими раиси ўз мақомига кўра Ўзбекистон Фанлар академиясининг вице-президентига тенглаштирилган.
Қарор шарҳида баён этилишича, бу қарор «Навоий вилояти ҳудудини комплекс ривожлантиришда, мавжуд саноат салоҳиятини янада мустаҳкамлашда академик фан имкониятларидан кенг фойдаланиш имкониятини беради».
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)