Покистон ҳукумати Афғонистон билан чегарани одамлар ва юклар учун «Торкхам» назорат-ўтказиш пункти ҳудудида ёпиб қўйди, деб ёзади «ТАСС». «Торкхам» икки мамлакат ўртасидаги одамлар ва юклар энг кўп ўтадиган пунктлардан биридир.
«Покистон-Афғонистон чегараси навбатдаги кўрсатмалар берилгунига қадар хавфсизлик юзасидан ёпилди», — деди Покистон армияси матбуот хизмати раҳбари генерал майор Асиф Гафур.
The Express Tribune маълумотларига кўра, қарор мамлакат олий фуқаролик раҳбарияти ва ҳарбий қўмондонлигининг шошилинч мажлисида қабул қилинган. Унга Синд провинциясининг Сехван шаҳридаги сўфийлар масжидида содир этилиб, 74 кишининг ўлимига ва 300 кишининг жароҳатланишига олиб келган теракт сабабчи бўлган.