Ўзбекистон Президенти Шавкат Мирзиёев томонидан ИИВ вакиллари билан бўлиб ўтган учрашувда болалар ва ёшлар орасида жиноятчиликнинг олдини олишга алоҳида эътибор қаратилгани ЮНИСЕФ томонидан олқишланди. Бу ҳақда ташкилотнинг Ўзбекистондаги ваколатхонаси томонидан эълон қилинган баёнотда сўз боради.
ЮНИСЕФ баёнотида қайд этилишича, мамлакат Президенти томонидан тегишли давлат идораларини ёшлар содир этган жиноятларни таҳлил қилишга, уларнинг сабабларини аниқлашга ва жиноятчиликнинг олдини олиш бўйича чора-тадбирларни кучайтиришга даъват этгани эътиборга лойиқ ҳодиса.ЮНИСЕФ Ўзбекистон Президенти Шавкат Мирзиёев Ички ишлар вазирлиги вакиллари билан учрашувда болалар ва ёшлар орасида жиноятчиликнинг олдини олиш чора-тадбирларига алоҳида эътибор қаратганини юксак баҳолайди.Ташкилотнинг Ўзбекистондаги ваколатхонаси раҳбари Саша Грауманнинг қайд этишича, вояга етмаганлар орасидаги жиноятчиликнинг олдини олиш бўйича саъй-ҳаракатлар бутун жамият ва давлат тизими томонидан амалга оширилиши лозим.<...>
Болалар турли сабабларга кўра жиноят содир этиши ёки ҳуқуқбузарликка қўл уриши мумкин. Халқаро тадқиқотларнинг натижаларига кўра, бундай болалар зўравонлик, ҳақорат, менсимаслик ва экплуатасия сингари ҳолатлар мавжуд бўлган муаммоли оила муҳитига мансуб бўлади. Шу боис ҳимояга муҳтож болаларнинг муаммоларини ҳал этиш жуда муҳим.
Глобал амалиёт шуни тасдиқлайдики, жиноятчиликнинг олдини олиш дастурлари ҳуқуқ-тартибот идоралари томонидан эмас, балки ижтимоий ҳимоя органлари томонидан олиб борилганида самаралироқ бўлади. ЮНИСЕФ тегишли вазирликлар ва идораларга болалар учун адлия тизимини мукаммаллаштиришда халқаро нормалар ва стандартларга мувофиқ равишда техник ёрдам кўрсатишга тайёр эканлигини баён этади.
ЮНИСЕФ баёнотидан
Ёшлар жамият ҳаётида фаол рол ўйнаш учун имкониятларга эга бўлишлари лозим ҳамда уларга жамият ривожига ҳисса қўшадиган шахслар сифатида қараш керак.«Дарё»нинг Telegram’даги расмий канали — @toshqindaryo’га аъзо бўлинг!Саша Грауманн, ЮНИСЕФнинг Ўзбекистондаги ваколатхонаси раҳбари
Изоҳ (0)