The Obstacle Is The Way китобининг муаллифи Райан Холидей машҳур тадбиркор, режиссёр, актёр ва бизнес-маслаҳатчилар томонидан берилган бир нечта тавсияномаларни тўплашга муваффақ бўлди.
Барча маслаҳатлар унумдорликни юзага келтирувчи шароитлар яъни, иш учун вақтни қандай тақсимлаш, кундалик муаммоларни ҳал қилишда қандай одатларга эга бўлиш мавзусига бағишланган.
- Кундалик ёзувлар учун дафтарча тутинг. Унга ўз фикрларингизни, кузатишларингизни, тасодифан ёдингизда қолган воқеаларни ёзиб боринг. Дафтарчани ҳар доим ёнингизда олиб юринг.
- Қиладиган ишларингиз рўйхатини тузинг. Шу рўйхат асосида ишларингизни бажаришга ҳаракат қилинг.
- Касбингизга доир адабиётлардан олинган парчалар қайд қилинган картотека юритинг. Бу картотека ўзингизга қулай электрон ёки қоғоз шаклида бўлиши мумкин.
- Иш учун ҳеч қандай мессенжерлар (Telegram, WhatsApp) ишлатманг. Томонларга қулайлик яратиш мақсадида фақат электрон почтадан фойдаланишингиз мумкин.
- Агар иш юзасидан ассистент ёки ёрдамчи олиш зарур бўлиб қолса, аввало унинг ёши сиздан каттароқ ва масъулиятлироқ эканлигига ишонч ҳосил қилинг. Ёш ходим дунёдаги барча муаммоларни ечишда раҳбарга ёрдам беради деб ўйлаш хатодир.
- Агар сиз матн билан ишласангиз, бошқа муаллифлар асарларининг ўзингизга ёққан парчаларини ёзиб олишга ўрганинг. Бу сизнинг сўз бойлигингизни ошириш билан бирга, келажакда керак бўладиган материаллар тўплашга ҳам ёрдам беради.
- Эсингизда сақланг: юқори унумдорликка эришишда тинчлик ва осойишталик ёрдам беради. Осойишта вазият янги ғояларни излаб топишда диққатни бир жойга тўплашга ёрдам беради.
- Inbox Zero қоидасига риоя қилинг — ҳамма хатларга жавоб бериш шарт эмас, лекин уларни сақлаб қўйиш ёки кейинга суриш ҳам бефойда.
- Instapaper шаклидаги ўқишни кейинга қолдирувчи хизматлардан фойдаланинг, шунингдек ижтимоий тармоқлардаги тасодифий постларни ўқишга чалғиб кетманг.
- «Йўқ» дейишни ўрганинг. Рад қила олиш асабларингизни асрашга ва йўл қўйишингиз мумкин бўлган хатолардан сақланишга ёрдам беради.