МДҲ махсус хизматлари 2017 йилда террорчиларнинг ижтимоий тармоқлардаги одамларни жиноий гуруҳларга жалб қилувчи вакилларини ҳамда халқаро террористик ташкилотлар эмиссарларини аниқлаш бўйича кенг кўламли ўқув машқлари ўтказади. Бу ҳақда МДҲга аъзо давлатларнинг миллий аксилтеррор марказлари раҳбарларининг 10-йиғилишида маълум қилинди, деб хабар беради «ТАСС».

Йиғилишда МДҲга аъзо 10 давлат — Озарбайжон, Арманистон, Беларусь, Қозоғистон, Қирғизистон, Молдова, Россия, Тожикистон, Туркманистон ва Ўзбекистон махсус хизматлари вакиллари иштирок этмоқда.

Марказ томонидан МДҲга аъзо давлатлар махсус хизматларига террорчилик фаолиятига жалб этилган шахсларга оид тўпланган маълумотларни бирлаштириш таклифи илгари сурилди.

Хабар беришларича, май ойи охири ва июнь ойи бошида олти давлат — Арманистон, Беларусь, Қозоғистон, Қирғизистон, Россия ва Тожикистон ҳудудида махсус кучлар, Қуролли кучлар ва бошқа тегишли органлар иштирокида террорчиликка қарши кураш бўйича қўшма ўқув машғулотлари ўтказилади.

«Дарё»нинг Telegram’даги расмий канали — @toshqindaryo’га аъзо бўлинг!