Қозоғистоннинг собиқ миллий иқтисодиёт вазири Қувондиқ Бишимбаев Қизилўрда шаҳрида шиша заводи қурилиши давомида 1 миллиард тенге (3 миллион доллар)ни ўмаришда гумон қилинмоқда. Бу ҳақда 13 февраль, душанба куни мамлакат Аксилкоррупция хизмати маълум қилди, дея хабар беради «ТАСС».
«‘Байтерек’ компанияси раиси Бишимбаев ўз қўл остидаги корхоналар орқали Қизилўрдадаги завод қурилиши давомида 1 миллиард тенгени ўмаришга қаратилган жиноий жараённи ташкиллаштирган. Ўғирланган маблағ ишчилар яшаши ва озиқ-овқати учун тўлов тариқасида нақдлаштирилган. Бишимбаев ушбу суммадан 2 миллион долларини воситачи орқали шахсан олган», — дейилади хизмат хабарида.
Ҳозирда мазкур иш бўйича судгача бўлган тергов ишлари олиб борилмоқда. Бишимбаев 12 январь куни ҳибсга олинган.
Ўтган йил декабрида лавозимидан озод этилган собиқ вазир 2016 йил майига қадар 3 йил мобайнида «Байтерек» миллий холдингини бошқарган эди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)