БМТнинг собиқ бош котиби Пан Ги Мун АҚШнинг Гарвард университетида ўқитувчилик билан шуғулланмоқчи, деб маълум қилди унинг ёрдамчиси. Бу ҳақда «ТАСС» хабар бермоқда.

«Пан Ги Мунга Гарвард университети профессори бўлишни таклиф қилишди. БМТнинг собиқ бош котиби бу таклифни ижобий кайфият билан ўрганмоқда», — деди вакил.

Кениядаги БМТ ваколатхоналаридан бирида фаолият юритаётган қизини кўргани борган Пан Ги Мун айни дамда ушбу Африка мамлакатида бўлиб турибди.

Эслатиб ўтамиз, Пан Ги Мун бош котиблик лавозимидан кетгач, Жанубий Кореяга борган ва мамлакат президентлиги учун сайловолди пойгасига қўшилиши кутилган эди.

Бироқ кейинроқ у Жанубий Корея президентлигига даъво қилмаслигини билдирди.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.