Америка махсус хизматларининг собиқ ходими Эдвард Сноуден 10 февраль, жума куни ОАВларнинг у АҚШга топширилиши мумкинлиги ҳақидаги хабарларини Россия Федерацияси разведкаси учун ишламаганлигининг рад этиб бўлмайдиган исботи деб атади. Бу ҳақда «РИА Новости» хабар бермоқда.

«Ниҳоят Россия разведкаси билан ҳеч қачон ҳамкорлик қилмаганлигимнинг рад этиб бўлмайдиган исботи», — деб ёзди у Twitter’даги микроблогида.

Унинг сўзларига қараганда, ҳеч бир давлат ўз разведкачиларини сотмайди. Акс ҳолда қолган разведкачилар улар навбатдагиси бўлиши мумкинлигидан чўчиб қолиши мумкин.

10 февраль куни NBC телеканали Америка маъмуриятининг номи ошкор этилмаган вакилига таяниб, АҚШ разведкаси томонидан тасдиқлаган маълумотни ошкор қилди. Унга кўра, Россия президент Дональд Трампга «совға» тариқасида Эдвард Сноуденни АҚШга топшириш эҳтимолини кўриб чиқмоқда.

Сноуденнинг адвокатларидан бири Бен Уизнер телеканалга бу каби режалардан хабардор эмаслигини маълум қилган.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.