Бугун,

  • USD 10940.05
  • RUB 182.26
  • EUR 11121.65

FastCompany экспертлари фикрича, навбатдаги iPhone ўз «акалари»дан анча қимматроқ туриши мумкин. Унинг нархи 1000 доллардан ошади, деб ёзади «Hi-tech.mail.ru».

Архив. Фото: «AppleInsider.ru»

Архив. Фото: «AppleInsider.ru»

Apple’га яқин манбаларига таянган ҳолда, экспертлар навбатдаги iPhone инқилобий дизайн ва янги, анча қиммат компонентларга эга бўлишини таъкидлади. Нархга энг кўп 5,8 дюймли OLED-экраннинг ўрнатилиши, шунингдек, симсиз қувват олиш функцияси таъсир ўтказади.

Apple’нинг энг қимматбаҳо смартфони у ҳақда тарқалиб кетган маълумотларда iPhone Х дея тилга олинган. У 4,7 дюймли iPhone 8 ва 5,5 дюймли 8 Plus билан бирга чиқарилиши кутилмоқда, аммо улар бироз пастроқ нархда бўлади.

iPhone Х, шунингдек, ички 3D-сенсор билан жиҳозланади. Датчик авторизация, фотопортретлар сифатини яхшилаш ёки тўлдирилган реаллик технологиясини амалга ошириш учун қўлланилиши мумкин.

Бундан ташқари, iPhone Х алюминий эмас, шиша корпусда чиқарилиши мумкин. Смартфон корпуси зангламайдиган пўлатдан тайёрланади, деган версия ҳам бор.

Изоҳ
Асосий янгиликлар