Кеча Самарқанд ва Жиззах оралиғида 4,2 магнитудали зилзила кузатилди

2 февраль, пайшанба куни Тошкент вақти билан 23:35 да Ўзбекистонда ер силкиниши қайд этилди. Бу ҳақда «Дарё»га «Тошкент» сейсмостанцияси маълум қилди.

Зилзила эпицентри Тошкентдан 200 км жануби-ғарбда, Самарқанд ва Жиззах вилоятлари оралиғида жойлашди, эпицентрда магнитуда 4,2 га тенг бўлди.

Самарқанд ва Жиззахда зилзила 2 балл даражасида сезилди.