Англия Премьер-лигасининг 23-турига келиб Жозе Моуриньо бошчилик қилаётган «Манчестер Юнайтед» клуби футболчилари яна бир бор очко йўқотди. Бу эса клубга дастлабки тўртликда бораётган жамоаларга яқинлашиб олиш имконини бермади.
Лиганинг хавфли поғонасида бораётган «Халл Сити»ни қабул қилган «Юнайтед» 0:0 ҳисобига имзо чекди. Ўтган ҳафта «йўлбарслар» ўз уйида «Юнайтед»ни мағлуб этиб, «қизил иблислар»нинг мағлубиятсиз давом этиб келаётган сериясини якунлаб қўйганди. Энди эса «Халл» «Олд Траффорд»дан 1 очко ишлаб қайтди.
Манчестер шаҳрининг бошқа бир клуби «Сити» Лондондан йирик ғалаба билан қайтди. Славен Билич бошчилик қилаётган «Вест Ҳэм» меҳмони бўлган «шаҳарликлар» жавобсиз 4 та гол уришга муваффақ бўлди ва очколари сонини «Ливерпуль»ники билан тенглаштириб олди. Бир кун муқаддам кучли тўртликда бораётган жамоаларнинг ҳаммаси очко йўқотганди.
Англия Премьер-лигаси 23-тур беллашувлари 1 февраль, чоршанба
«Манчестер Юнайтед» — «Халл Сити» 0:0
«Сток Сити» — «Эвертон» 1:1
Голлар: Питер Крауч, 7 (1:0). Райан Шоукросс, 39-авт (1:1).«Вест Ҳэм» — «Манчестер Сити» 0:4
Голлар: Кевин де Брюйне, 17 (0:1). Давид Сильва, 21 (0:2). Габриэл Жезус, 39 (0:3). Яя Туре, 67-пен (0:4).
Изоҳ (0)