Фотогалерея: Ақлбовар қилмас жойларда қурилган уйлар

Ҳар бир инсон турар жойга муҳтож, лекин ҳамма ҳам шаҳар ва ҳатто қишлоқ жойларидаги ҳаётидан мамнун бўлмайди. Баъзилар барчадан узоқда яшашни хоҳлайди ва янги жойга кўчишни истамайди. TravelAsk ақлбовар қилмас жойларда қурилган уйлар ҳақида маълумот бериб, уларнинг суратини бир саҳифага жамлади.

Сербиянинг Баина Башта шаҳри яқинида антиқа уй бор. Уй эгалари уни 1968 йили дарё ўртасидаги қояга қурган.

АҚШ ва Канада чегарасидаги Авлиё Лаврентий дарёсидаги оролчага қурилган уй. Бу ерда кичик пляжга ҳам жой етган.

Исландия яқинидаги Эдлидаэй ородила бир нечта оила истиқомат қилади. Оролда яшашига қарамай, у ердагилар кутилмаган меҳмонлардан сақланиш учун девор ҳам қурган.

Keret House – инсон алоҳида яшашни хоҳлашини кўрсатиб берувчи намуна. Уйнинг энг кенг жойидаги кенглиги атиги 90 сантиметрни ташкил этади.

Австралиянинг Кубер-Педи кончилар шаҳрида аксарият аҳоли ғорда яшайди. Бу уларга жазирамани осон ўтказишга ёрдам беради.

Англияда ғаройиб норозилик намойишлари бўлиб туради. Шулардан бирида 4 йил давомида мана шундай уйлар бўлган.

Бу ҳам дарахт устидаги уй, аммо Англияда эмас, Канадада.

2011 йилда Хитойнинг Гуандун шаҳрида маҳаллий фабрика томида иккита уй қурилди.

Бу ҳам Хитой. Хунан провинциясидаги савдо марказларидан бирида 2013 йили кичик қишлоқ барпо этилган.

Бутан тоғли мамлакат саналади. Таксанг-лакханг ибодатхонаси монахлари эса янада узоққа бориб, ортиқча эътибордан ҳоли бўлиш учун баланд қоя чўққисида жой топди.

Грециядаги Метеорлар ибодатхоналари.

Швейцариянинг Маттерхорн тоғи. Solve кулбаси 4003 метр баландликда жойлашган. Бу ерга чиққанлар кулба ичида дам олиши мумкин.

Ёлғиз қолишни истаганлар учун Янги Зеландияда замонавий ечим топилди. Skysphere номли уй ёлғиз қолишни хоҳлаганлар учун мўлжалланган.

Хитойда қурилаётган йўл. Кимдир бу ердан кўчишни истамай, йўл ўртасида қолишни афзал топган.

Бу эса Туркия. Уйининг бузилишига қарши чиқишдан чарчаган оила охир-оқибат уни тарк этди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.