Ташқаридан Mercedes, аслида эса кўчирма: «Premium» машиналарнинг хитойча клонлари (фотогалерея)
«Мотор» нашри ташқаридан Mercedes-Benz, BMW, Porsche, Rolls-Royce ва ҳатто Ferrari’га ўхшаш автомобилларнинг хитойча вариантлари акс этган суратларини бир саҳифага жамлади.
BYD F8 (S8)
Mercedes-Benz компанияси автомобиллари хитойлик дизайнерлар учун «илҳом манбаи» ҳисобланади. Хитойнинг BYD F8 машинаси Mercedes-Benz’нинг CЛК модели асосида яратилган.
Мазкур автомобиль двигатель ҳажми 2 литрга тенг 4 силиндли мотор билан жиҳозланган. BYD F8 140 от кучига эга.
BAIC BJ80
Mercedes-Benz’нинг яна бир клони – хитойча Gelandewagen. Машина кўриниши, кузови ва ҳатто дисклари ҳам Gelandewagen’нинг оригинал вариантига ўхшатиб қилинган.
Аммо BAIC BJ80 нинг характеристикаси юқори даражада эмас. Машинанинг двигатель ҳажми 2,4 ва 2,7 литрга тенг вариантлари бор. Шунингдек, хитойликлар ушбу моделда Land Rover Defender’нинг элементларидан фойдаланган.
BAIC BJ90
BJ90 модели Mercedes GL X164 кузовидан «кўчирма» олган. Унинг нафақат кўриниши, балки характеристикалари ҳам кўчирилган.
Машина 3 ва 4 литрли мос равишда 333 ва 422 от кучига тенг турбомотор билан жиҳозланган. Мазкур моделнинг тақдимоти 2010 йили бўлиб ўтганди.
Hawtai B35
Қўлнинг енгил ҳаракати билан Porsche автомобили Hawtai B35 га айланади. Аслида ушбу машинада Jaguar XF ва Audi Q7 генларини учратиш мумкин. Аммо кузов пропорсиялари Porsche Cayenne’ни эслатади.
Албатта, Hawtai B35 моделининг мотори Cayenne’ники сингари кучли эмас. Автомобильнинг 1,8 ва 2,0 литрли ҳар бири мос равишда 150 ва 160 от кучига тенг бензинли турбоагрегат вариантлари бор.
Geely GE
2010 йилда Хитой 3D-принтери Rolls-Royce Phantom моделини клон қилди. Geely компанияси томонидан яратилган GE модели Буюк Британия компанияси лимузинига ўхшашлигини пайқаш қийин эмас.
Интерьернинг асосий устунлиги – орқа томоннинг марказига ўрнатилган ягона ўриндиқ. Geely GE маҳаллий бозор учун ишлаб чиқарилган ва уни дунёнинг бошқа мамлакатларида учратиб бўлмайди.
Qingdao Soar Automobile
Ўзингизни алдашга йўл қўйманг – бу 1960 йилларда ишлаб чиқарилган Rolls-Royce Phantom эмас, балки Хитойнинг Qingdao Soar Automobile компаниясининг нухсаси.
Машина краш-тестлар билан машҳур бўлган Brilliance BS6 асосида яратилган.
Jinma JMW 2200
Jinma JMW 2200 модели BMW i3 электрокарига ўхшатилганини, аммо бунинг уддасидан чиқилмаганини кўриш мумкин.
Хитойча электромобил соатига 50 километр тезликка эриша олади. Унинг битта қувватланиши 120 километр масофага етади.
Eagle Came
Хитойликлар Porsche ва Ferrari автомобилларини «бошини қовуштиришга» муваффақ бўлди. Натижада Eagle Came модели дунёга келди.
Машинанинг олд қисми Ferrari California Т моделини эслатса, орқа қисми Porsche Cayman’га ўхшайди. Ҳатто машина эмблемаси ҳам Porsche’никига ўхшаб кетади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
