Хитой раҳбари Си Цзиньпин Дональд Трампни АҚШ президенти лавозимини бажаришга киришгани билан қутлади. Бу ҳақда Хитой Ташқи ишлар вазирлиги расмий вакили Хуа Чуньин маълум қилди, дея хабар бермоқда «ТАСС».
«Хитой раҳбари Си Цзиньпин АҚШ президенти Дональд Трампга у ваколатларини бажаришга киришгани муносабати билан табрик телеграммасини йўллаб улгурди», — деди дипломат.
Табрикноманинг бошқа тафсилотлари маълум қилинмаган.
20 январь куни Вашингтондаги Капитолий биноси остонасида АҚШнинг 45-президенти Дональд Трампнинг инаугурацияси бўлиб ўтди. Шу кундан эътиборан Трамп маъмуриятининг тўрт йиллик фаолияти бошланди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)