Берлиндаги «Яшил ҳафталик—2017» кўргазмасининг биринчи кунида ўзбекистонлик экспортчилар 10 млн долларлик шартномаларни имзолади

Берлинда озиқ-овқат саноати, боғдорчилик, қишлоқ ва ўрмон хўжалигига бағишланган IGW Berlin — «Яшил ҳафталик—2017» 82-Халқаро савдо кўргамаси бўлиб ўтмоқда, деб ёзади «Ўзагроэкспорт» АЖ.

Кўргазмада 60 мамлакатдан 1800 дан зиёд компаниялар вакиллари қатнашмоқда, 380 мингга яқин киши ташриф буюриши кутилмоқда.

Ўзбекистоннинг озиқ-овқат салоҳияти мамлакат миллий стенди орқали тақдим этилмоқда.

Кўргазманинг биринчи куни доирасида бир қатор хорижий компаниялар, шу жумладан, Same Deutz-Fahr (Германия), Euro Asia (Германия), Abgeordnetenhaus (Германия), GlobusMax (Польша), Better International Trade (Буюк Британия), Urumqi Tongyale International Trade (Хитой), Go Nuts & Fruits F.Z.E (БАА), Florry Business LP (Буюк Британия) вакиллари билан учрашувлар ўтказилди, улар Ўзбекистондан янги узилган ва қайта ишланган мева-сабзавот маҳсулотларини сотиб олишга қизиқиш билдирди.

Олиб борилган музокаралар якунларига кўра, янги узилган ва қайта ишланган мева-сабзавотларни етказиб бериш бўйича 10,17 миллион долларлик экспорт шартномалари тузилди.