«Киндер-сюрприз»ни яратган қандолатчи оламдан ўтди

Италияда Ferrero компанияси раҳбарларидан бири Уильям Сэлис 83 ёшида оламдан ўтди. Бу ҳақда Meduza хабар бермоқда.

Сэлис ичида совға жойлашган шоколадли тухум — «Киндер-сюрприз»ни яратган. У мазкур ширинликни 1970-йилларда ўйлаб топган эди. Шоколад 1974 йили сотувга чиқарилган.

Бундан ташқари, Сэлис Ferrero Rocher конфетларини ўйлаб топгани билан машҳур.

Сэлис 2007 йили нафақага чиқди. У Италиянинг Павиа шаҳрида юрак хуружидан вафот этди.