Эксперт: Ту-154 нинг парвози 70 секунд давом этган

Россия мудофаа вазирлигининг Сочида қулаган Ту-154 самолёти 250 метр баландликка кўтарилишга улгуриб, сўнг ҳалокатга учраган. Бу ҳақда Россия армияси авиация парвозлари хавфсизлиги хизмати бошлиғи Сергей Байнетов маълум қилди, деб хабар беради «Ведомости».

Унинг сўзларига қараганда, самолёт ҳавода 70 секунд бўлган.

«Бу эшелонда тезлик соатига 360–370 километр бўлади», — деди мудофаа вазирлиги вакили.

Шунингдек, у ҳаво кемаси командири айтган бир гап бортда ўзига хос вазият ҳукм сурганини кўрсатишини баён этди.

«Ҳаммаси одатдагидай бўлган, аммо командирнинг бир жумласи борки, унинг таҳлили бошқача вазият бошланаётганини ва ривожланаётганини кўрсатади. Ҳозирча бундан бошқа ҳеч нарса била олмаймиз», — таъкидлади Байнетов.