«Менинг ўғлим ҳам бўлажак қиролдек кийинсин!». Британия дўконларида шаҳзода Жоржники каби пальточалар қолмади
Буюк британияликлар шаҳзода Жорж Рождество тадбирида кўриниш берган пальтонинг худди ўзини интернет дўконлардан харид қила бошлади. Бир неча соат давомида пальтоларнинг барчаси сотилиб кетди, деб ёзади People.
Гап узунлиги тиззагача бўлган тугмали, бахмал билан безак берилган кулранг пальто ҳақида бормоқда.
Либос Испаниянинг Pepa & Co маркасига тегишли бўлиб, 147 доллар атрофида туради.
Pepa & Co Испания бренди бўлиб, унинг номи остида болалар кийимлари чиқарилади. Кейт Миддлтон ва шаҳзода Уильямнинг қизи малика Шарлотта ҳам кўпинча шу фирма либосларида кўриниш беради. Бу эса маркага дунёвий машҳурлик келтирди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
