Ўзбекистон Республикасининг сайланган Президенти Шавкат Мирзиёев 10 декабрь куни Истанбул шаҳрида юз берган ва кўплаб инсонларнинг ҳалок бўлишига сабаб бўлган террорчилик ҳаракати муносабати билан Туркия Президенти Ражаб Тоййиб Эрдўғонга ва бутун Туркия халқига чуқур таъзия билдирди. Бу ҳақда Ўзбекистон ТИВ матбуот хизмати маълум қилди.
Шавкат Мирзиёев мактубида ҳалок бўлганларнинг оила аъзолари ва яқинларига самимий ҳамдардлик сўзларини изҳор қилди.
Сўнгги маълумотларга кўра, Истанбулда «Бешиктош» футбол клуби стадиони яқинида юз берган қўш теракт қурбонлари сони 39 кишига етди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.