Қирғизистондаги референдумда ахборот тизими бузилиши кузатилди

Қирғизистон Марказий сайлов комиссияси ахборот тизимида бузилиш кузатилганини маълум қилиб, конституцияни ўзгартириш бўйича референдум натижаларини ошкор этишни бироз кечиктиришга тўғри келишини билдирди. Бу ҳақда МСК матбуот хизмати вакили Ойбўлот Ойдўсов «РИА Новости» агентлигига маълум қилди.

«Сабрли бўлишингизни сўрайман, бир нечта босқичда бузилиш рўй берди, ҳозирги пайтда ахборот янгиланиб, аниқлаштирилмоқда», — деди у.

Ойдўсовнинг сўзларига қараганда, яқин вақт ичида янги ахборот келиб тушади.

Барча сайлов участкалари маҳаллий вақт билан соат 20:00 да ёпилганидан сўнг барча ахборот онлайн режимида серверларга узатилиши маълум қилинган эди.