Соломон оролларида 6,1 магнитудали зилзила юз берди

Соломон оролларида 6,1 магнитудали зилзила содир бўлди. Бу ҳақда АҚШ Геология хизмати маълум қилди, деб ёзади «ТАСС».

Маълум қилинишича, ерости силкинишлари эпимаркази Соломон ороллари давлати пойтахти Хониара шаҳридан 231 километр жануби-шарқда, ўчоғи эса 14 километр чуқурликда жойлашди.

Жабрланганлар ва вайронагарчиликлар ҳақида маълумотлар келиб тушмади. Цунами хавфи эълон қилинмади.

8 декабрь, пайшанба куни архипелаг яқинида 7,7 магнитудали кучли зилзила юз берган эди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.