Луис Энрике: Мессининг «Барселона»даги келажаги ҳақида ҳозирча ҳеч қандай тахмин қила олмайман

«Барселона» жамоаси бош мураббийи Луис Энрике клуб етакчиси Лионель Мессининг каталонияликлар билан амалдаги келишувини узайтириши мумкинлиги ҳақида ўз фикрларини билдириб ўтди, деб хабар бермоқда «Чемпионат».

«Музокаралар бошлангани мени бироз хотиржам қилмоқда. У ‘Барселона’ билан шартномасини узайтирадиган футболчилардан бири бўлади. Мессининг келишуви узайтирилгани эълон қилинганидан сўнг уни нишонлаймиз. Агар бу ҳақда эълон қилинса, албатта. Айни вақтда Мессининг клубдаги келажаги ҳақида ҳеч қандай тахмин қила олмайман», – деди Энрике.

Олдинроқ Лионель Мессининг отаси Хорхе ўғлининг каталонияликлар билан шартномасини муҳокама қилиш учун Испанияга келгани ҳақида хабар берилганди. Томонлар Рождество байрамига қадар шартнома борасида келишиб олмоқчи экани таъкидланганди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.