Россия ҳамда ОПЕК таркибига кирмайдиган бир қатор давлатлар кейинги йилдан нефть қазиб олиш ҳажмини суткасига 600 минг баррелга қисқартириш борасида келишувга эришди. Бу Bloomberg агентлигига маълум бўлди, деб хабар беради «РБК».
Келишувга 10 декабрь куни Венада бўлиб ўтган учрашувда эришилди.
Делегатнинг маълум қилишича, ҳажмларни қисқартиришга рози бўлган давлатлар орасида Қозоғистон ҳам бор. Шусиз ҳам нефть қазиб олиш ҳажми қисқариб бораётган давлатлар, масалан, Мексика, бу рўйхатда бор-йўқлиги номаълум.
«Биз ОПЕК таркибига кирадиган ва кирмайдиган 25 мамлакатни нефть бозорини барқарорлаштириш ҳамда товаримизнинг ҳаққоний нархини ҳимоя қилиш ғояси атрофида тўпладик», — деди Венесуэла нефть вазири Эулохио дель Пино учрашув олдидан.
Изоҳ (0)