ФИФА Жанубий Африка футбол федерацияси собиқ раҳбарини футболга оид фаолиятдан 5 йилга четлатди

Халқаро футбол федерацияси (ФИФА) Ахлоқ қўмитаси Жанубий Африка футбол федерацияси (SAFA) собиқ президенти Кирстен Нематанданини футболга оид фаолиятдан 5 йилга четлатди. Бу ҳақда ФИФА матбуот хизматига таяниб, «ТАСС» хабар бермоқда.

Бундан ташқари, ФИФА Ахлоқ қўмитаси Зимбабве футбол ассоциацияси собиқ мансабдори Жонатан Мусавенгана ҳамда Того терма жамоаси собиқ устози Банна Чанайлни футбол фаолиятидан умрбод дисквалификация қилди. Бунга сабаб сифатида 2010 йили Жанубий Африкада ўтказилган халқаро ўртоқлик учрашувларида йўл қўйилган қоидабузарликлар кўрсатилган.

Мусавенгана ва Чанайл пора олиш ва коррупцияга оид ишларда айбдор деб топилди. Дисквалификация 8 декабрь куни кучга кирди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.