Австралияда қадоқлаш лентасидан иншоот ясалди (фото)
Рассом Эрик Ленартсон Австралияда қадоқлаш материалларидан TapeScape номли иншоот ясади. Болалар Испвичдаги галереяга скотчдан ясалган тепаликда учиш ва қурилиш ҳавозаларига чиқиш учун келмоқда, деб хабар беради Meduza.
Иншоотни яратиш учун 56 минг метр қадоқлаш лентаси керак бўлди. Унинг ичига вақти-вақти билан рангларини ўзгартириб турадиган диодли лампалар ўрнатилган.
Эрик Ленартсон TapeScape’ни ҳамкасб дўстлари билан биргаликда ясади. Улар кўнгил очар иншоотни 2017 йилнинг февралида ёпишни режалаштирмоқда.
Шунга ўхшаш биринчи иншоот 2011 йили Миннесота штатида, иккинчиси 2013 йилнинг Пенсильвания штатида, учинчиси эса 2015 йилнинг Дубай шаҳрида очилган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
