2016 йилнинг 29 ноябрь – 5 декабрь кунлари Таиланднинг Патайя шаҳрида бодибилдинг ва фитнес бўйича VIII жаҳон чемпионати (8th WBPF World Championships 2016) бўлиб ўтди. Унда иштирок этган Ўзбекистон терма жамоаси 1 та олтин ва 1 та бронза медали билан Тошкентга қайтиб келди. Бу ҳақда Ўзбекистон бодибилдинг ва фитнес федерациясининг Facebook’даги саҳифасида маълум қилинди.
Эслатиб ўтамиз, 2 декабрь куни Ўзбекистон вакили Павел Умирзаков жаҳоннинг 23 спортчиси орасида 40–49 ёш тоифасида «бодибилдинг устаси» категорияси бўйича энг яхши натижани қайд қилди. Бу Ўзбекистон тарихида бодибилдинг бўйича жаҳон чемпионатида қўлга киритилган биринчи олтин медалдир.
3 декабрь куни эса Ўзбекистон вакиласи Малика Вакасова «модель-физик» категориясида 20 нафар иштирокчи орасида учинчи ўринни қўлга киритганди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)