Покистоннинг Карачи шаҳридаги меҳмонхонада юз берган ёнғин оқибатида 11 киши ҳалок бўлди

Покистоннинг Карачи шаҳридаги (Синд вилояти) меҳмонхоналардан бирида 5 декабрь, душанба куни ёнғин юзага келиши оқибатида камида 11 киши ҳалок бўлди, яна 30 киши жабрланди. Бу ҳақда Dawn газетаси маълум қилди, деб ёзади «ТАСС».

Ҳодиса Regent plaza меҳмонхонасида эрта тонгда юз берганлиги маълум қилинмоқда. Ёнғин бинонинг ошхона қисмидан бошланиб, тезда меҳмонхонанинг барча олти қаватига тарқалган. Оқибатда хоналардаги ижарачилар бекилиб қолган.

Воқеа жойига зудлик билан етиб келган учта ўт ўчириш жамоаси ёнғинни уч соатдан кейин ўчиришга муваффақ бўлди. Бироқ қидирув-қутқарув операцияси ҳали якунланмаган, чунки бинода эвакуация қилинмаган ижарачилар бор.

Ёнғиннинг юзага келиш сабаблари ҳозирча аниқланмаган.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.