Хитойнинг Ўзбекистондаги собиқ элчиси: Сайлов профессионал руҳда, халқаро талаблар асосида ўтмоқда

Хитойнинг Ўзбекистондаги собиқ элчиси Гао Юй Шэн президент сайловига кузатувчи сифатида келган бўлиб, ўзининг тўртинчи сайлов участкасига ташрифида «Дарё» мухбирига интервью берди.

«Ҳозирга қадар тўртта сайлов участкасида бўлдим. Таассуротларим ижобий. Сайловчилар кўрсатаётган фаоллик таҳсинга лойиқ. Улар овоз бериш учун бажонидил ташриф буюраётгани юз-кўзидан сезилиб турибди», — деди хитойлик меҳмон.

«Сайловда учта жиҳатга эътибор бердим. Биринчидан у мамлакат қонунчилигидан четга чиқилмаган ҳолда ташкил этилган. Иккинчиси эса ташкилотчиликдаги профессионаллик. Буни ўзим борган сайлов участкаларида яққол сездим. Ва энг асосийси, унинг халқаро талабларга мос ҳолда ўтаётганидир», — дейди Гао Юй Шэн.