29 ноябрдан 5 декабрга қадар Таиланднинг Патайя шаҳрида бодибилдинг ва фитнес бўйича VIII жаҳон чемпионати (8th WBPF World Championships 2016) бўлиб ўтмоқда. Бу ҳақда, Ўзбекистон бодибилдинг ва фитнес федерациясига асосланиб, «Газета.uz» хабар бермоқда.
3 декабрь куни Ўзбекистон вакиласи Малика Вакасова «модель-физик» категориясида 20 нафар иштирокчи орасида учинчи ўринни қўлга киритди.
Бугунги кунда Малика Вакасова Ўзбекистон бодибилдинг ва фитнес федерацияси рейтингида Елена Нураева билан биргаликда биринчи ўринда турибди. У кўплаб маҳаллий ва халқаро мусобақалар совриндори ҳисобланади.
Кеча, 2 декабрь куни Ўзбекистоннинг бошқа вакили — Павел Умирзаков мамлакат тарихида биринчи марта бодибилдинг бўйича жаҳон чемпионати олтинини қўлга киритган эди.
Изоҳ (0)