Тошкентда 3 декабрь куни ёмғир ёғади ва шамол тезлиги кучаяди

Ўзбекистонда 3 декабрь куни ёғингарчилик бўлиши мумкин. Бу ҳақда «Ўзгидромет» маркази хабар бермоқда.

Хабар беришларича, 3 декабрга ўтар кечаси Қорақалпоғистон Республикаси ва Хоразм вилоятида -5...0 даража совуқ, Ўзбекистоннинг тоғли ҳудудлари ва Фарғона водийси вилоятларида 0...+5 даража, Тошкент шаҳрида +5...+7 даража, Бухоро ва Навоий вилоятларида +3...+8 даража, Тошкент, Самарқанд, Жиззах, Сирдарё, Қашқадарё ва Сурхондарё вилоятларида +4...+9 даража илиқ бўлади.

Шанба куни кундузи Фарғона водийси вилоятларида +8...+13 даража, Ўзбекистоннинг тоғли ҳудудлари, Қорақалпоғистон Республикаси ва Хоразм вилоятида +10...+15 даража, Бухоро, Навоий, Тошкент, Самарқанд, Жиззах, Сирдарё вилоятлари ва Тошкент шаҳрида +15...+20 даража, Қашқадарё ва Сурхондарё вилоятларида +17...+22 даража илиқ бўлиши кутилмоқда.

«Ўзгидромет» ахборотига кўра, 3 декабрга ўтар кечаси ва 3 декабрь куни кундузи Фарғона водийси вилоятларидан бошқа Ўзбекистоннинг барча ҳудудларида, хусусан, Тошкент шаҳрида ёмғир ёғиши ва шамол тезлиги сониясига 17—20 метргача кучайиши мумкин. Фарғона водийси вилоятларида туман тушиши эҳтимоли бор.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.