Таиланднинг янги қироли биринчи марта омма олдига чиқди

Таиланднинг янги қироли Маха Вачиралонгкорн Бодинтхаратхеппхаяварангкун (Рама Х) тахтга ўтирганидан сўнг биринчи марта омма олдига чиқди. Бу ҳақда «ТАСС» хабар бермоқда.

Рама Х синглиси — малика Сиридон ҳамда қироллик оиласининг бошқа аъзолари билан биргаликда марҳум қирол Пхумипон Адульядетнинг (Рама IX) Катта қироллик саройидаги сағанаси олдида уюштирилган диний маросимда қатнашди. Дуолар ўқиш ҳамда будда роҳибларига рамзий эҳсонлар қилишдан иборат маросим қиролнинг вафотига 50 кун тўлиши муносабати билан ўтказилди. У Таиланд телеканалларида трансляция қилиб борилди.