Эрдўғон: «Фрот қалқони» операцияси фақат террорчиларга қарши қаратилган

Туркия қуролли кучларининг Суриядаги «Фрот қалқони» ҳарбий операцияси фақат террорчи гуруҳларни йўқ қилишга йўналтирилган ва бошқа мақсадларга эга эмас. Бу ҳақда Туркия президенти Ражаб Тоййиб Эрдўғон Анқарада минтақавий маъмуриятлар вакиллари билан ўтказилган учрашув чоғида маълум қилди, деб хабар беради «ТАСС».

«‘Фрот қалқони’ операциясининг нишони бирор бир давлат ёки одам эмас, у фақат террорчи гуруҳларга қарши йўналтирилган. Ҳеч ким бундан шубҳаланмасин ва бошқа маъно қидирмасин. Туркия ёлғиз қолса ҳам террорга қарши курашни давом эттиради», — деди Эрдўғон.

Эрдўғон Туркия ўзининг бу мақсади йўлида Ғарб давлатларининг қаршилигига учраётганини қайд қилиб ўтди.