53,5 минг киши муддатидан илгари овоз берди

Ўзбекистон Президенти сайловида муддатидан илгари овоз берган фуқаролар сони 29 ноябрь оқшоми ҳолатига кўра 53501 кишини ташкил этди. Бу ҳақда Марказий сайлов комиссиясидаги матбуот хизматига таянган ҳолда «Газета.uz» хабар бермоқда.

Муддатидан илгари овоз бериш 24 ноябрда бошланган бўлиб, 2 декабрга қадар давом этади. Унда 4 декабрь куни ўз яшаш жойида бўлмайдиган фуқаролар иштирок этиши мумкин.