Теннис бўйича норасмий Жаҳон Чемпионати ҳисобланган Дэвис Кубоги финалида Хорватия ва Аргентина терма жамоалари тўқнаш келди. Хорватияда бўлиб ўтган ҳал қилувчи ўйинлар аргентиналик ракетка усталарининг ғалабаси билан якун топди, деб ёзди «Чемпионат».

Хорватиядаги ҳал қилувчи беллашув Иво Карлович ҳамда Федерико Делбонис ўртасида кечди. Бунга қадар 2:2 ҳисобидаги дуранг қайд этилаётган бўлса, Иво Карловичнинг мағлуб бўлиши Хорватияни бош совриндан қуруқ қолдирди. Ҳар уч сет ҳам аргентиналик Федерико Делбониснинг ғалабаси билан якунига етди.

Маълумот учун, Аргентина терма жамоаси бунга қадар Дэвис Кубогида зафар қучмагани учун ҳам бу соврин биринчиси бўлди. Мазкур ғалабадан кейин Аргентина терма жамоаси Дэвис Кубоги турнир жадвалида 2-ўринга кўтарилиб олди. Етакчилик Буюк Британияга тегишли бўлса, кучли тўртликни Чехия ҳамда Швейцария якунлаган.

Ўзбекистон терма жамоаси Дэвис Кубоги—2016 ни Швейцариядан учралган мағлубиятдан кейин тарк этганди.