Кувайт амири шайх Сабоҳ ал-Аҳмад ал-Жобир ас-Сабоҳ 28 ноябрь куни мамлакат ҳукумати раҳбарини қабул қилиб, ундан вазирлар маҳкамасининг истеъфо сўрови тўғрисидаги аризани қабул қилиб олди. Бу ҳақда «ТАСС» хабар бермоқда.
Шайх Жобир ал-Муҳаммад ал-Ҳамад ас-Сабоҳ раҳбарлигидаги маҳкама 2013 йил августида шакллантирилган эди. Аммо Кувайт парламентига 26 ноябрь куни бўлиб ўтган умуммиллий сайловдан сўнг ҳукумат истеъфога чиқишга қарор қилди, негаки унинг якунларига кўра мухолифат вакиллари қонунчилик органидаги ўринларнинг қарийб учдан бир қисмини эгаллади.
Изоҳ (0)