Филиппин полицияси АҚШ элчихонаси биноси яқинида аниқланган бомбани зарарсизлантирди. Бу ҳақда, Давлат департаменти баёнотига асосланиб, «ТАСС» хабар бермоқда.
Воқеа 28 ноябрь эрталабки соатларида рўй берди. Бомба бинодан 250 метр жануброқдаги ахлат контейнерида топилди.
Ҳуқуқ-тартибот органлари ходимлари дипломатик ваколатхона атрофидаги ҳудудни ўраб олди.
Ҳеч ким зарар кўрмади. Полиция жавобгарларни аниқлаш мақсадида тергов ишларини бошлаб юборди.