Ўзбекистон Республикаси Бош вазирининг виртуал қабулхонасига келиб тушаётган мурожаатлар бўйича статистик маълумотларни кузатиб бориш имконияти жорий этилди. Бу ҳақда порталнинг янгиликлар бўлимида хабар қилинди.
«Портал орқали юборилган ва кўриб чиқилган мурожаатлар сони билан бевосита графиклар орқали танишиб боришингиз мумкин. Статистик маълумотларнинг янгиланиш даврийлиги 12 соатни ташкил этади (соат 12:00 ва 24:00 да)», — дейилади хабарномада.
Айни пайтда порталнинг бош саҳифасида ҳисоблагич ўрнатилган бўлиб, у келиб тушган ҳамда кўриб чиқилган мурожаатлар сонини кўрсатади. 2016 йил 28 ноябрь соат 22:00 ҳолатига кўра келиб тушган жами мурожаатлар сони 216974 тани, кўриб чиқилганлари эса 136277 тани ташкил этади.
Изоҳ (0)